20/08/10

Editoriâ # 1- Prêuve de sgoàrdo a-o móndo

E notìçie chi sotta a l'è a primma prêuva de fâ de l'informaçion zenéize, 'n'informaçion che a no segge 'n sgoàrdo a-e beghe do vixin ma che a segge 'n sgoàrdo a-o móndo intrêgo.
Gràçie a internet poemmo fâ 'n sarto in gîo a-o glöbo.
Alantôa partimmo da quarche righe in zenéize e dòppo, gràçie pròpio a-e conescioìn (i link), andemmo a fonte de notiçie: in gîo a-o glöbo.
'Sta chi, comme dîto, a l'è 'na primma prêuva , se vedemmo a setembre.

CINA - Ciæbélle cineixi

In Cina òua e van de mòdda e ciæbélle comme regàllo d'amô, e vendan drento di vasétti con prêxo da 50 centeximi a 'n 1 eurò. O prescidente d'önô do WWF Italia, Fulco Pratesi, o l'à dichiaròu a l'agençia Ansa: ''E' un commercio che non possiamo giustificare. Questi insetti vanno lasciati tranquilli''.


De ciù: chi

19/08/10

SAHARAWI - Agiùtti do Brasî

O Brasî o l'à fæto 'na donaçion de 300.000 $ a o popolo Saharawi in agiùtti into quaddro do Programma  Mondiâ de Alimentaçion (o WFP de l'Onu)


De ciù: chi 

IRAK - L'Armâ Usa a se retîa

Dòppo sette anni de guæra ancheu l'urtima unitæ de combattimento de l'armâ Usa a l'à passòu o confin con o Kuwait, restian solo e unitæ neeçessaie a l'addestramento de l'armâ irakenn-a.

De ciù: chi

FRANSA – L’espulxon di Ròm, o primmo xeuo

O l’è partïo ancheu a e 13,30 da Lìon o primmo xeuo, a bordo 93 personn-e, organisâ da-o governo franseise per fâ tornâ inti paixi de provegnensa squæxi 700 ròm de Romania e Bulgâia che i ean arrivæ inte l’Hexagon a çercâ da fortunn-a. Reaçioin contro a decixon do governo Sarkozy son arrivæ da diferenti pàrte, compreisa a commiscion da UE che a dixe che Parigi "doit respecter les règles" in relaçion a libertæ de circulaçion di çittadin di paixi membri de l’Union.

De ciù: chi