O Glöbo

SVESSIA - Eleçioìn: goagna torna a dèstra

2010-09-20T00:55:00.002+02:00

Se serran e orne e i primmi exiti dixan che a governâ saiâ ancon a destra. 172 eletti pe a coaliçion de çentro-dèstra (M-Moderaterna, FP-Folkpartiet, C-Centerpartiet, KD-Kristdemokraterna) contra i 157 da coaliçion de çentro-scinìstra (S-Socialdemokraterna, MP-Miljöpartiet, V-Vänsterpartiet). Ma a vêa neuvitæ al'é l'intrâ, pe a primma 'otta, a-o Parlamento di naçionalisti SD-Sverigedemokraterna co 20 rapresentanti e o 5,7 % de preferense.

De ciù: chi

BOTSWANA – Notiçie da-o cheu de l’Africa

2010-09-15T16:02:00.000+02:00

O Botswana o l’è ‘n paise de l’Africa ciù profonda, ‘n tòcco de mondo da-o quæ l’è difiçile avei de notiçie. Pe chi veu anâ a-e fonti de l’informaçion O Glöbo consiggia de leze The Botwsana Gazette

BRASÎ - Fartan 18 giorni a-e eleçioìn prescidençiâli

2010-09-14T01:00:00.001+02:00

Quarche polemica, comme normale, a segna a campagna pe l'eleçion do prescidente che o doviâ piggia o pòsto de Lula.

Segoi a eleçioìn do Brasî inti speciali do Jornal do Brasil e de O Povo

COLTÛA - O l'é mòrto Chabrol

2010-09-14T00:56:00.000+02:00

O regista de cine Claude Chabrol, aotô de ciù de sciuscianta film, o l'é mòrto a Parigi. O l'aiva 80 anni.

De ciù: chi

SPÒRT - Balon (co-e moén): ancon Cêve

2010-09-14T00:54:00.003+02:00

Pievese-Albese 11-2

Co sta vitôia a squaddra lìgure a vegne primma inti play out, ex aequo co-a Monferrina. E doe squaddre gh'an 25 ponti. Sabbo - 18 do meise - urtima partîa pròpio co-a Monferrina, quella che a goagna a va a zeugase o spareggio pe intrâ comme quarta inte semifinâli pe o titolo de Campioìn d'Italia 2010.

De ciù: chi

ECONOMIA - Wall Street dixe rosso

2010-09-08T02:36:00.002+02:00

A Borsa USA a segna rosso:

Dow Jones -1,03%

Nasdaq -1,11%

E âtre Borse do mondo ghe van derê; sôlo Cina e India dixan poxitîvo, scìben de pöco:

Hang Seng +0,22%

Shangai Composite +0,08%

BSE Sensex +0,46%

De ciù: chi

NEUVA ZELANDA - A tæra a tremma ancon

2010-09-08T02:20:00.001+02:00

Difiçile, se no imposcibile, avei da-i òrgani d'informaçion italiæn - tùtti aprêuvo a crixi politica - de notiçie do teramòtto che da setemann-a passâ o l'a corpîo a Neuva Zelanda.

Pe segoî a situaçion quarche conescion a-i giornâli do pòsto:

FRANSA - In ciàssa contra a reforma de penscioìn

2010-09-08T00:50:00.000+02:00

Giornâ de mobiltaçion in Fransa contra a reforma de penscioìn do governo Sarkòzy. Ciù de 200 manifestaçioìn, da Parigi a i çentri piccin, con in ciàssa 'n moggio de gente: squaexi 3 milioìn pe i scindacâti, 1,2 milioìn pe a poliçia. O prescidente françeise o dixe che se aniâ avànti e o l'anonsia pe mâcordì, into Consiggio di ministri, 'n discorso inscio tema.

De ciù: chi

GUATEMALA - Ægoa e fànga: ciù de 30 mòrti

2010-09-06T01:33:00.000+02:00

E provìnse de Escuintla, Retalhuleu, Sololá, Chimaltenango, San Marcos, Quetzaltenango e Sacatepéquezse e ciù corpîe. O prescidente do Guatemala, Álvaro Colom, o l'a dîto: "A l'é 'na tragedia naçionâle".

De ciù: chi

SPÒRT - Balon (co-e moén): Fòrsa Cêve!

2010-09-06T01:12:00.000+02:00

Alta Langa-Pievese 3-11

A squaddra de Cêve a goagna e a va primma, co 23 pónti insemme a Monferrina, inta clascifica di play out.

De ciù: chi

BELGIO - Mediaçion do Re pe a crixi

2010-09-05T22:15:00.000+02:00

E eleçioìn do 13 zùgno an fæto, se a l'ea poscibile, ancon ciù confuxon into quaddro politico do Belgio. Passæ 80 e ciù giorni no gh'é ancon 'n primmo ministro pe dâ recatto a e questioìn: divixon di grùppi lengoistichi in testa. Coscì o re Bèrto II o l'a dæto l'incàrego a doi mediatoî: o prescidente da Càmea, o soçialista vallon André Flahaut, e o prescidente do Senâto, o naçionalista fiammingo Danny Pieters.

De ciù: chi

UE - 91,9 milioìn pe o Mediterraneo

2010-09-04T02:49:00.000+02:00

A Comiscion de l'Union Europea pe o Programma d'açion regionâle Mediterraneo 2010 - che o comprende i programmi specifichi 'EuroMed Road, rail and urban transport'', ''EuroMed Aviation II'', ''Euromed Migration'', ''Euromed Police'', ''Euromed Justice'', ''Euromed programma on sustainable water management and depollution of the Mediterranean'' e''Enpi- South Global allocation'' - a l'a stansiòu ancheu squæxi 92 milioìn. Saian interessæ Algeîa, Egitto, Isræ, Giordannia, Liban, Maròcco, Teritöi palestineixi, Sciria e Tunixia.

De ciù: chi

SPÒRT - Play out de balon (co-e moén): l'éxito do derby

2010-09-04T02:12:00.001+02:00

Pievese-San Leonardo 11-5

Co a vitöia a squaddra de Cêve a resta in corsa pe intrâ a-e semifinâli, o San Lionardo co sta batòsta o resta urtimo.

De ciù: chi

Clasifica:
Monferrina            23
Albese                     21
Pievese                   21
Alta Langa             12
Augusto Manzo     4
San Leonardo        2

Proxime partîe de lìguri:
05/09: Alta Langa-Pievese
 08/09: A.Manzo-San Leonardo

ERRATA CORRIGE:
Into pòst de 00:45 do 01/09/2010 emmo scritto 'na sciolàia: o San Biâxo in question inte quello pòst o no l'ea 'da Çimma (IM)' ma 'de Mondvì (CN)'. Scûzene. Donca ninte lìguri inti play off.

ECONOMIA - Wall Street sera a setemànn-a in repìggio

2010-09-04T01:17:00.001+02:00

A Borsa de Neuva York a sera a setemànn-a in teritöio poxitîvo: Dow Jones +1,24%, Nasdaq 1,53%. A monæa da Ue (€) a l'é scangiâ a 1,2984 dòlari US ($).

De ciù: chi

CÒSMO - Hadfield o saiâ o primmo canadeize a-o comando da ISS

2010-09-04T00:50:00.000+02:00

Into 2012 o còsmonaota Chris Hadfield, 'n bon curriculum into spaçio, saiâ o primmo canadeize a-o comando da ISS (a Staçion Spaçiâle Internaçionâle).

De ciù: chi

APROFONDÎ - Balon?

2010-09-01T02:02:00.002+02:00

Balon o no l'é sôlo o nomme de 'n ògétto sferico pe demoâse ma o l'é ascì, e sorvetùtto, o nomme pròpio dæto in Ligùria e in Piemonte a quello zêugo, ativitæ sportiva, che a lengoa italiann-a ciamma "pallapugno" ò "pallone elastico". Un viâxo zêugo ligure.

Òua a l'é sci vêa che a Zena e in Ligùria inte discuscioin do lunesdî se ciamma balon ascì quello spòrt che i ingreixi dixan "football" e i americæn "soccer", ma pe quello spòrt o nomme zenéize giùsto, fòscia, o l'é l'esteiso zêugo do balon.

Coscì chi a O Glöbo pe capise, giùsto e primme òtte, metemmo inte paêntexi 'co-e moén' pe o viâxo balon e 'co-i pê' pe o zêugo do balon.

E quande se doviâ parlâ de quello spòrt che in ingreize se ciamma "handball"? Femmo coscì: ghe pensemmo a-o momento... òua me vegne da dî: ò lascemmo handball (do resto in catalan scrivan "handbol") ò ghe dimmo bàllaman.

Balon, de ciù: chi

'N film: a presantaçion, 'n asàzzo do film

SPÒRT - Balon (co-e moén). Serie A: ancheu e liguri

2010-09-01T00:45:00.004+02:00

Play off:
Virtus Langhe - San Biagio
~~21,00: a Dògliani (CN) a squaddra de San Biâxo da Çimma (IM), l'ùnica ligùre a-i play off, a se zeuga e urtime poscibilitæ pe goagnâ l'intrâ diretta a-e semifinâli~~ ERRATA CORRIGE: Vergheugna: emmo sbagliòu da gròssa, o San Biâxo in question o no l'é 'da Çimma (IM)' ma 'de Mondvì (CN)'. Scûzene. Ninte lìguri inti play off.

Play out:
Pievese - San Leonardo Imperia
16,30: a Cêve 'n derby co motivaçioin diferenti: a squaddra de câza çerca a segonda fase pe l'intrâ a-e semifinâli, o San Leonardo çerca 'na vitöia pe alontanâ a chéita in B

De ciù: chi

SPÒRT - Éxiti do balon (co-i pê): e liguri into mondo

2010-09-01T00:39:00.001+02:00

Serie A (ITA), I giornâ (28/09): Udinese - Genoa 0-1

Torneo Apertura (ARG), IV giornâ (29/09): Boca Juniors - Vélez 2-1

Ligue 1 (FRA), IV giornâ (29/09): Monaco - Aj Auxerre 2-0

Serie A (ITA), I giornâ (29/09): Sampdoria - Lazio 2-0

Editoriâ # 1- Prêuve de sgoàrdo a-o móndo

2010-08-20T01:08:00.004+02:00

E notìçie chi sotta a l'è a primma prêuva de fâ de l'informaçion zenéize, 'n'informaçion che a no segge 'n sgoàrdo a-e beghe do vixin ma che a segge 'n sgoàrdo a-o móndo intrêgo.

Gràçie a internet poemmo fâ 'n sarto in gîo a-o glöbo.

Alantôa partimmo da quarche righe in zenéize e dòppo, gràçie pròpio a-e conescioìn (i link), andemmo a fonte de notiçie: in gîo a-o glöbo.

'Sta chi, comme dîto, a l'è 'na primma prêuva , se vedemmo a setembre.

CINA - Ciæbélle cineixi

2010-08-20T01:05:00.007+02:00

In Cina òua e van de mòdda e ciæbélle comme regàllo d'amô, e vendan drento di vasétti con prêxo da 50 centeximi a 'n 1 eurò. O prescidente d'önô do WWF Italia, Fulco Pratesi, o l'à dichiaròu a l'agençia Ansa: ''E' un commercio che non possiamo giustificare. Questi insetti vanno lasciati tranquilli''.

De ciù: chi

SAHARAWI - Agiùtti do Brasî

2010-08-19T23:34:00.004+02:00

O Brasî o l'à fæto 'na donaçion de 300.000 $ a o popolo Saharawi in agiùtti into quaddro do Programma Mondiâ de Alimentaçion (o WFP de l'Onu)

De ciù: chi

IRAK - L'Armâ Usa a se retîa

2010-08-19T15:05:00.004+02:00

Dòppo sette anni de guæra ancheu l'urtima unitæ de combattimento de l'armâ Usa a l'à passòu o confin con o Kuwait, restian solo e unitæ neeçessaie a l'addestramento de l'armâ irakenn-a.

De ciù: chi

FRANSA – L’espulxon di Ròm, o primmo xeuo

2010-08-19T14:39:00.008+02:00

O l’è partïo ancheu a e 13,30 da Lìon o primmo xeuo, a bordo 93 personn-e, organisâ da-o governo franseise per fâ tornâ inti paixi de provegnensa squæxi 700 ròm de Romania e Bulgâia che i ean arrivæ inte l’Hexagon a çercâ da fortunn-a. Reaçioin contro a decixon do governo Sarkozy son arrivæ da diferenti pàrte, compreisa a commiscion da UE che a dixe che Parigi "doit respecter les règles" in relaçion a libertæ de circulaçion di çittadin di paixi membri de l’Union.

De ciù: chi